ކޮންމެ ބަހެއްގައި ވެސް އެއް ކަހަލަ މާނަތައް ދޭހަވާ، ނުވަތަ ކައިރި މާނަތައް ހުންނަ، ގިނަ ލަފުޒުތައް  (synonym) ހުރެއެވެ. ނަމަވެސް އެއް މާނަ ދޭހަވިޔަސް ދެ ލަފުޒެއް ނަމަ ބޭނުންކުރާ ޙާލަތާއި މާނައިގައި ކުދިކުދި ތަފާތު ހުންނާނެކަމަށް ބަހުގެ ޢިލްމު ދެނެވަޑައިގަންނަވާ ބޭފުޅުން ވިދާޅުވެއެވެ. މިސާލަކަށް ރީތި، ހިތްގައިމު، ނަޔާ، ޗާލު ފަދަ ލަފުޒުތަކުން އެއް ކަހަލަ މާނަތަކެއް ދޭހަވި ކަމުގައި ވިޔަސް "ރީތި" ބޭނުންކުރާ ކޮންމެ ތަނެއްގައި "ހިތްގައިމު" ބޭނުންކޮށްގެން ކަމަކުނުދާނެއެވެ. ވަރަށް ހިތްގައިމު ދަތުރެކޭ ބުނާންވެގެން އެއީ "ވަރަށް ރީތި ދަތުރެކޭ" ބުނެގެން ކަމަކުނުދާނެ ނޫންތޯއެވެ!