އެމެރިކާއާއި އީރާނާ ދެމެދު ކުރެވޭ، މާނައެއް، ބޭނުމެއް ނެތް، ތާކުންތާކުނުޖެހޭ ހަނގުރާމަ ހުއްޓައިލައި، ދާއިމީ ސުލްހައިގެ އެއްބަސްވުމެއް ގާއިމުކުރެވިދާނެތޯ ކުރެވޭ ސުވާލަކީ ބައިނަލްއަގުވާމީ ސިޔާސީ މަސްރަހުގައި މި އަދު ކުރެވޭ އެންމެ ބޮޑު އެއް ސުވާލެވެ. މި ދެ ގައުމުގެ ދެމެދުގައި އޮތް ނުތަނަވަސްކަމަކީ ހަމައެކަނި އަސްކަރީ ކުރިމަތިލުމެއް ނޫނެވެ. އެއީ ފިކުރީ، ދީނީ، ސިޔާސީ ޚިޔާލު ތަފާތުވުމުގެ ސަބަބުންނާއި މެދުއިރުމަތީގައި ނުފޫޒު ގަދަކުރުމުގެ ވިސްނުމުގެ ސަބަބުން އުފެދިފައިވާ ޒަމާންވީ [ހަނގުރާމައެކެވެ.]

އެމެރިކާއާ އެކު އެއްބަސްވުންތަކެއް ހެދިޔަސް އެއީ އެއްވެސް އިތުބާރެއް ހުރި އެއްޗެއް ނޫންކަން މާޒީގެ ތަޖުރިބާތަކުން ދުނިޔެއަށް ވަނީ ސާބިތުވެފައެވެ.