ވެނެޒުއޭލާގެ ރައީސް ނިކޮލަސް މަޑޫރޯއަށް ޚިޔާނާތްތެރިވެ އެންމެ ބޮޑު އަގެއް ހުށަހެޅި ފަރާތަށް، މަޑޫރޯ ވިއްކައިލީ، އޭނާގެ ޤައުމުގެ އަސްކަރިއްޔާއާއި، ސަލާމަތީ ޓީމުންނެވެ.

އޭނާ ހައްޔަރުކުރުމުގެ ތިން މަސް ކުރިން، އެމެރިކާގެ ސެންޓްރަލް އިންޓެލިޖެންސް އޭޖެންސީ، ސީ.އައި.އޭ އިން އޭނާގެ ވެރިކަމުގެ ފަށަލަތަކުގެ ތެރެއަށް ވަދެފައިވާ އިރު، އެއީ މުޅި ވެނެޒުއެލާގައި އެންމެންނަށް ވެސް އެނގޭ ފާޅުކަން ބޮޑު ސިއްރެކެވެ. އެމެރިކާއަށް އޮމާންކަމާ އެކު މަޑޫރޯ އަތުލައިގަނެވޭނޭ މަގު، އޭނާގެ ވެރިކަމުގެ މަތީ ފަންތީގައި ހިމެނޭ ބަޔެއް ފަރާތްތަކުން ކަށަވަރުކޮށްދީފި ނަމަ، ބޮޑެތި ޢަދަދުތަކުން ޑޮލަރު ދޭނެކަމަށް އެމެރިކާއިން އެ މީހުންނަށް ވަޢުދުވިއެވެ.