އަބާ މުޙަންމަދު

މިއަދު ކޮންމެ މީހެއްގެ އަތުގައި ސްމާޓު ފޯނެއް އެބަ އޮވެއެވެ. އެހެންކަމުން ފޮޓޯއެއް ނެގުމަކީ ދާދި ފަސޭހަ ކަމެކެވެ. އެއީ އެންމެން ވެސް ކުރާ އަދި ކުރާން ދަންނަ ކަމެކެވެ. ނަމަވެސް ދަންނީ (ޕްރޮފެޝަނަލް) ގޮތެއްގައި އާމްދަނީ ލިބޭ މަސައްކަތެއްގެ ގޮތުން އެ ކަން ކުރާ ނަމަ، އެއީ ދަސްކުރާން ޖެހޭ ޢިލްމެކެވެ. ހުނަރެކެވެ. ދަންނެކެވެ. އަދި މިއީ ޝައުޤުވެރި މަސައްކަތެއް ކޮށްގެން އާމްދަނީ ހޯދޭނެ މަގެއް ވެސް މެއެވެ.

މި ކަމަށް ތިޔައިގެ ތެރެއިން އެކަކު ވެސް ޝައުޤުވެރިވޭހެއްޔެވެ؟ ޝައުޤުވެރިވާ ނަމަ، މިއީ މި ކަން ދަސްކުރާން އެނެމެ ރަނގަޅު ފުރުޞަތެވެ. ފުރުސަތަކީ ތިމާގެ ދޮރުގައި އެންމެ ފަހަރަކު ޓަކިދޭނެ އެއްޗެކެވެ. އެ ފަހަރު އެ ފުރުސަތަށް އިޖާބަ ނުދީފި ނަމަ، ތިމާއާ އެ ފުރުސަތު އަބަދުގެ އަބަދަށް އަލްވަދާޢުކިޔުމަކީ އެކަށިގެންވާ ކަމެކެވެ.

ފޮޓޯގްރާފީ ދާއިރާގެ ޢިލްމާއި ތަޖުރިބާ ލިބިވަޑައިގެން ތިއްބެވި ފޮޓޮގްރާފަރުން ޒުވާނުންނަށް ޓަކައި، ޚާއްޞަ ފޮޓޮގްރަފީ ކޯހެއް ހިންގާން ގަސްތުކޮށްފިއެވެ. އެއް މަސް ދުވަހުގެ މުއްދަތަށް ހިންގާ މި ފަދަ ކޯހެއް ފަރަގު އެކެޑަމީގެ ފަރާތުން މިހާރު ވަނީ އިޢުލާނުކުރައްވައިފައެވެ. މި ކޯހުގެ ކިޔެވުން ފެށޭނީ އަންނަ ޑިސެންބަރު މަހު ދެވަނަ ދުވަހުން ފެށިގެންކަމަށް އެ އެކެޑަމީއިން ވަނީ އިޢުލާނުކުރައްވައިފައެވެ.

މި ކޯހުގައި ކިޔަވައިދޭ ބައިތަކުގެ ތެރޭގައި:

· ފޮޓޮގްރަފީގެ ތަޢަރަފު

· ފޮޓޮގްރަފީގެ ވައްތަރުތައް

· ކެމެރާ ސެޓްކުރާނެ ގޮތުގެ ހުނަރުތައް

· ފޮޓޯނެގުމުގެ އާލަތްތައް

· ފޮޓޯނެގުމާއި ފޮޓޯ ނެގުމުގެ ޢަމަލީ ތަމްރީނު

· ފުރޭމުގެ އުކުޅުތައް

· އަލި ހެޔޮވަރުކުރުމުގެ ހުނަރުތަކާއި އަލި ބަހައްޓާންވީ ގޮތް

· ފޮޓޯ އެޑިޓުކުރުމުގެ އާލަތްތައް

· އިތުރު މަޢުލޫމާތު

މި ބައިތައް ހިމެނެއެވެ.

މި ހުރިހައި ބައިތަކަކާ އެކު، ތަޖުރިބާކާރު ޢިލްމުވެރި މުދައްރިބެއްގެ އަޅައިލުމާއި އޯގާވެރިކަމާ އެކު ފޮޓޮގްރާފަރަކަށް ވާން މިއީ ރަނުގެ ފުރުޞަތެކެވެ.

ކޮންމެ ހޯމަ ދުވަހަކާއި ބުރާސްފަތި ދުވަހެއްގެ ރޭގަނޑު 8:00ން  10:00އަށް ފަރަގު އެކެޑަމީގެ މައި ކެންޕަހުގައި، އަންނަ ޑިސެންބަރު މަހު ދެވަނަ ދުވަހު މި ކުލާސް ފަށާ ގޮތަށް ވަނީ ހަމަޖެހިފައެވެ. ވީމާ، ލަސްކުރައްވަނީ ކީއްކުރައްވަންތޯއެވެ؟ ޖާގަ ވަރަށް ޙުދޫދުވެފައި އޮތް މި ކޯހުން ޖާގައެއް ހޯއްދަވާން އެދިވަޑައިގަންނަވާ ނަމަ، ލަސްނުކުރައްވައި 7313113 މި ނަންބަރަށް ގުޅުއްވައިގެން ނަން ނޯޓުކުރައްވާންވީ ނޫންތޯއެވެ! މި ކަހަލަ ފުރުޞަތުތަކެއް އަބަދަކު ނުލިބޭނެއެވެ. ކޮންމެ ޢުމުރެއްގެ މީހަކަށް ވެސް މި ކޯހުގައި ބައިވެރިވެވޭނެއެވެ.

"ފަރަގު އެކެޑަމީ"އަކީ ތަފާތު ގިނަ ތަމްރީނު ޕްރޮގްރާމްތައް ހިންގާ ވިދާރާއެކެވެ. ކޮންމެ ޕްރޮގްރާމެއްގައި ވެސް ކިޔަވައިދެއްވާނީ އެ ދާއިރާއަކުން ރާއްޖޭގައި ތިއްބެވި އެންމެ ކުޅަދާނަ މުދައްރިބުންނެވެ. ފަރަގު އެކެޑަމީގެ އެންމެ ބޮޑު ފަރަގަކީ އެއީއެވެ.

_________________________________________

ޙުދޫދު   ނ.   (1) ދާއިރާ. (2) އިން. (3) ސަރަހައްދު.