ފަރަގު މީޑިއާ

ރާއްޖޭގެ އެކި ކަންކޮޅުތަކުގައި ޤުރުއާން މުބާރާތް ބާއްވާ މޫސުމެކެވެ. މި ފަދަ އެތައް މުބާރާތެއްގެ ވާހަކަ މި ނޫހުން ގެނެސްދެވިފައިވާނެއެވެ. މި ފަހަރު މި ދަންނަވައިލަނީ އދ. އަތޮޅު ޤުރުއާން މުބާރާތުގެ ވާހަކައެވެ. މި މުބާރާތް ބޭއްވީ މި މަހު 13 އިން 15ގެ ނިޔަލަށް އަދ. މަހިބަދޫގައެވެ. އަތޮޅުގެ އެންމެ ރަށެއް ފިޔަވައި އަނެއް އަށް ރަށުން ބައިވެރިވި މި ޤުރުއާން މުބާރާތް ނިންމައި މުބާރާތުގެ ނަތީޖާ ފާޅުކޮށް ވަނަވަނައަށް އައި ފަރާތްތަކަށް ރޭ އިނާމު ދީފިއެވެ.

މި މުބާރާތުން، އެކި ރަށްރަށަށް ބަލާއިރު މުޅި މުބާރާތުން މުޅި އަތޮޅުން އެއްވަނަ ޙާޞިލުކުރީ އދ. މަހިބަދޫއެވެ. ރާއްޖޭގެ މަޝްހޫރު ޤާރީން އިންސާފުކޮށްދެއްވި މި މުބާރާތުގެ ނިމުން ފާހަގަކުރުމުގެ ގޮތުން ރޭ އދ. އަތޮޅު ތަޢުލީމީ މަރުކަޒުގައި ބޭއްވި ކުލަގަދަ ރަސްމިއްޔާތު ޝަރަފުވެރިކޮށްދެއްވީ މިނިސްޓަރ އޮފް ސްޓޭޓް ފޮރ އިސްލާމިކް އެފެއަރަޒް އަލްއުސްތާޒު ޢަބްދުލްޢަޒީޒު ޖަމާލު އަބޫބަކުރެވެ.

މި ޖަލްސާގައި ރަށްރަށުގެ ކައުންސިލްަކުގެ މެންބަރުންނާއި، މަހިބަދޫގައި ހުރި، ދައުލަތުގެ އެކި އިދާރާތަކުގެ ވެރީންނާއި ޢާންމުންގެ ތެރެއިން ގިނަ ބަޔަކު ބައިވެރިވިއެވެ.

________________________________