ޑރ. ޢަބްދުލްޣަފޫރު ޢަބްދުއްރަޙީމް

ރަށުގެ ގަބުރުސްތާނު ވަށައިގެން ފާރެއް ރާނަން ރަށު ރައްޔިތުން ނިންމިއެވެ. މި މަޝްރޫއު ހިންގާލަން ފައިސާ ހޯދުމުގެ ގޮތުން ރަށު ރައްޔިތުން ގަސްދުކުރީ އެންމެން އަތުން ޗަންދާއެއް ނަގާށެވެ.

ކޮންމެ މީހަކު ވެސް އެ މީހަކަށް ދެވުނު ވަރަކަށް ފައިސާކޮޅެއް ދޭށެވެ. މިސްކިތުގައި ފާރުލުމުގެ ކަންތައް ހިންގައިލުމަށް ޓަކައި އުފެދުނު ކޮމިޓީގެ ފަރާތުން ރަށުގެ އެކި ގޭގެ މީހުން ގާތަށް ގޮސް ފައިސާ އެއްކުރަމުން ދިޔައެވެ. ރަށުގެ އެންމެންގެ ފަރާތުން ވެސް އެ މަޝްރޫއުަށް ވަރަށް ބޮޑު ތަރުހީބެއް ލިބުނެވެ.

ރަށުގެ އެންމެ މީހެއް ފިޔަވައެވެ. އެއީ، ރަށު މީހުން ކިޔާ ގޮތުން ނަމަ ރަށުގެ ދަހު ސައުދާގަރެވެ. ރަށުގެ ދަހި ސައުދާގަރަކީ ވަރަށް ވެސް މުއްސަނދި ފައިސާވެރި މުދާވެރިއެކެވެ. ދެ ފިހާރައަކާއި ތިން އޮޑި ވެސް ދަހި ސާދައުގަރު އަތު އޮވެއެވެ. މިސްކިތުގެ ފާރު ކޮމިޓީގެ ފަރާތުން ފައިސާއަށް އެދިގެން ދަހި ސައުދާގަރު ގެއަށް ވެސް ދިޔައެވެ. ދެން، ދަހި ސައުދާގަރަށް މަޝްރޫއުގެ ވާހަކަ ކިޔައި ދިނެވެ.

މިސްކިތު ގަބުރުސްތާނުގެ ވަށައިގެން ފާރެއްލުމަށް ޓަކައި ފައިސާ އެއްކުރާ ވާހަކައާއި އަދި ރައްޔިތުންގެ އެންމެން ވެސް މި ކަމަށް ވަރަށް ބޮޑު ތަރުހީބެއްދޭ ވާހަކައާއި ސައުދާގަރު އަތުން ވެސް ޚައިރާތަކަށް އެދި އައިސް ތިބި ވާހަކަ ކޮމިޓީގެ މެންބަރު، ސައުދާގަރަށް ނަންގަތެވެ.

ދެން، ދަހި ސައުދާގަރު ބުންޏެވެ. "ގަބުރުސްތާނު ވަށައިގެން ފާރެއް ލުމުގެ އެއްވެސް ބޭނުމެއް އޮތްކަމަކަށް އަހަރެން ނުދެކެވެ. އެހެނީ، ގަބުރުސްތާނުގައި ވަޅުލާފައި ތިބި މީހުންގެ ތެރެއިން އެކަކުވެސް ފުންމައިގެން ތެދުވެ، ފިލަން ދުވި ވާހަކައެއް އަހަރެން ދުވަހެއްގައި ވެސް އަޑެއް ނާހަމެވެ. އެހެންވީމާ، ބޭކާރު ކަންކަމަށް ފައިސާ ޚަރަދުކުރާކަށް އަހަރެން ބޭނުމެއް ނޫނެވެ."

___________________________________