ފަރަގު

ރޭ 11 ޖަހާ އެހާކަންހާ އިރު މެލޭޝިއާގެ އިޕޯހ އިސްޓޭޓުން ޚަބަރު ލިބުނު ގޮތުގައި އެ އިސްޓޭޓުގެ ތަންޖުންގ ރަންބޫތާން މަގުގައި ހުރި ލަކުޑި ގެޔެއްގެ މައްޗަށް ވަރަށް ބޮޑު ގަހެއް ވެއްޓި ގެ ތިރާވުމުގެ ސަބަބުން މަރުވީ އިންޑޮނޭޝިއާގެ މީހެކެވެ. އަދި އަދި ކުދިކުދި ޒަޚަމްތަކާއެކު މަރުން ސަލާމަތްވީ ވެސް އިންޑޮނޭޝިއާގެ ފަސް ފިރިހެނެކެވެ. މި ގަސް ވެއްޓުނީ މެލޭޝިއާއަށް އެރި ޠޫފާނެއްގައެވެ.

ޕެރާކގެ އަލިފާން ނިއްވުމާއި މީހުން ސަލާމަތްކުރާ މަރުކަޒުގެ އޮފިސަރ އިންޗާރޖް ސައިފުއްރިޒާން ސުލައިމާން ވިދާޅުވެފައިވަނީ އެއީ އެތާ ކައިރީގައި އޮންނަ ހަނދާނީ ޕާކެއްގައި މަސައްކަތްކުރާ ބަޔެއްކަމަށް ލަފާކުރެއްވޭ ކަމަށެވެ. މި ހާދިސާގެ ޚަބަރު ޢަންމުކޮށްފައިވަނީ ރޭ (ބުދަވިލޭ ރޭ) އިރު އޮއްސި 6:15 އެހާކަންހާ އިރުގައެވެ.

"ހަތަރު މީހަކަށް ވަރަށް ކުދިކުދި އަނިޔާ ވެފައި ވީ ނަމަ ވެސް އެކަކު ވަނީ ވަރަށް ބޮޑަށް ޒަޚަމުވެފައެވެ." ސައިފުއްރިޒާން ވިދާޅުވެފައިވެއެވެ. "މި އެންމެން ވެސް މިހަރުވަނީ ފަރުވާ ދިނުމަށް ޓަކައި ރާޖާ ޕަރްމައިސޫރީ ބައިތޫން ހޮސްޕިޓަލަށް ގެންދެވިފައެވެ." ރޭ ނެރުނު ކުރު ބަޔާނެއްގައި އޭނާ ވިދާޅުވެފައިވެއެވެ. (މައުލޫމާތު: ދަ ސްޓާރ)