(2026 މާރިޗު 25ގެ އަދަދާ ގުޅޭ)

·     الكريم (އަލްކަރީމު): ދީލަތިވަންތަރަސްކަލާނގެ. އެކަލާނގެ މުޤާބިލަކަށް އިންތިޒާރުނުކުރައްވާ އަޅުތަކުންނަށް ދީލަތިވެވޮޑިގެންވެއެވެ.

·     الرقيب (އައްރަޤީބު): ހުރިހާ އެއްޗަކަށް ބައްލަވާވޮޑިގެންވާ ރަސްކަލާނގެ . އެކަލާނގެއަށް އެއްވެސް އެއްޗެއް ވަންހަނާވެގެން ނުވެއެވެ. 

·     المجيب (އަލްމުޖީބު):  ތެދުވެރިކަމާއެކު އެކަލާނގެއަށް ދުޢާކުރާ މީހާގެ ދުޢާއަށް އިޖާބަދެއްވާ ރަސްކަލާނގެ

·     الواسع: (އަލްވާސިޢު): އެކަލާނގެ ދެނެވޮޑިގަތުމާއި ރަޙްމަތް ހުރިހާ އެއްޗެއްގެ  މައްޗަށް ތަނަވަސް ރަސްކަލާނގެ

·     الحكيم (އަލްޙަކީމު): ހުރިހާ ކަމެއް ވެސް ފުރިހަމަކަމާއި ޙިކްމަތްރިކަމާއެކު ކުރައްވާ ރަސްކަލާނގެ

·     الودود (އަލްވަދޫދު): މުއުމިން އަޅުތަކުން ދެކެ ނުހަނު ބޮޑަށް ލޯބިވެވޮޑިގެންވާ ރަސްކަލާނގެ

·     المجيد (އަލްމަޖީދު): ފުރިހަމަ މާތްވަންތަކަމާއި  މަތިވެރިކަމާއި ޝަރަފުގެ ވެރި ރަސްކަލާނގެ  

·     الباعث (އަލްބާޢިޘު): ޚަލްޤުތަކުން މަރުވުމަށް ފަހު ހިސާބުބެއްލެވުމަށް ޓަކައި އެމީހުން އަލުން ދިރުއްވާ ރަސްކަލާނގެ  

·     الشهيد (އައްޝަހީދު):  ކޮންމެ ކަމެއްގެ މައްޗަށް ހެކިވެވޮޑިގެންވާ ރަސްކަލާނގެ

·     الحق (ޢަލްޙައްޤު):  ބަދަލުވުމެއް ނެތް ސާބިތުކަން މަތީ ދެމިވޮޑިގެންވާ ރަސްކަލާނގެ

·     الوكيل (އަލްވަކީލު): ވަކީލަކު ކަމުގައި ބެލުން ފުދިވޮޑިގެންވާ ރަސްކަލާނގެ . މުއުމިނުން އަބަދުވެސް އެމީހުންގެ ކަންކަން ވަކީލުކުރާނީ ﷲ ތަޢާލާއަށެވެ.

·     القوي (އަލްޤަވިއްޔު): ބަލިކަށިކަމެއް ނާންނަ ފުރިހަމަ ބާރުގެ ވެރިރަސްކަލާނގެ

·     المتين (އަލްމަތީން): ބާރުވެރިވަންތަ ގަދަފަދަވަންތަ ރަސްކަލާނގެ  

·     الولي (އަލްވަލިއްޔު): އެކަލާނގެ އަޅުތަކުންގެ ކަންތައްތައް ބަލަހައްޓަވާ ރަސްކަލާނގެ  

·     الحميد (އަލްޙަމީދު): ޙަމްދާއި ސަނާ  ދާއިމަށް އަބަދަށް ޙައްޤުވެގެންވާ ރަސްކަލާނގެ  

·     المحصي (އަލްމުޙްޞީ): ހުރިހާ ޢިލްމުތަކަކާއި ހުރިހާ އެއްޗެއްގެ އަދަދު ދެނެވޮޑިގެންވާ ރަސްކލާނގެ

·     المبدئ (އަލްމުބްދިއު):  އެއްވެސް އެއްޗަކާ އެއްވެސް މަސީލަކާ ނުލައި ފުރަތަމަ ފަހަރަށް އެއްޗެހި އުފައްދަވާ ރަސްކަލާނގެ

·     المعيد (އަލްމުޢީދު): މަރުވުމަށް ފަހު އަލުން ޚަލްޤުކުރައްވާ ރަސްކަލާނގެ  

·     المحيي (އަލްމުޙްޔީ):  މަރުވެފައިވާ އެއްޗެހި ދިރުއްވާ އަލުން ޙަޔާތަށް ގެންނަވާ ރަސްކަލާނގެ

·     المميت  (އަލްމުމީތު): އަޖަލު ހަމަވާ ޚަލްޤުތަކުން މަރުގަންނަވާ ރަސްކަލާނގެ  

·     الحي  (އައްޙައްޔު): މަރުވުމެއް ފަނާވުމެއްނެތި ދިރިދެމިވޮޑިގެންވާ ރަސްކަލާނގެ  

·     القيوم (އަލްޤައްޔޫމު): ކަންތައްތައް ހިންގަވާ ދާއިމަށް  ޤާއިމުވެވޮޑިގެންވާ ރަސްކަލާނގެ

·     الواجد (އަލްވާޖިދު): އެއްވެސް އެއްޗަކަށް ބޭނުންވެވޮޑިގެންނުވާ އަމިއްލަ ޒާތުފުޅުން ފުދިވޮޑިގެންވާ ރަސްކަލާނގެ  

·     الماجد (އަލްމާޖިދު): މާތްވަންތަކަމާއި ދީލަތިވަންތަކުގައި ފުރިހަމަވަންތަ ރަސްކަލާނގެ

·     الواحد (އަލްވާޙިދު): އެކަލާނގެ ޒާތުފުޅުގައްޔާއި ސިފަފުޅުތަކުގައި ބައިވެރިއަކު ނުވާ ގިނިކަންޏާވަންތަ ރަސްކަލާނގެ  

·     الرشيد (އައްރަޝީދު):  އެކަލާނގެ އަޅުންނަށް ޙައްޤުމަގު ދައްކަވާ ރަސްކަލާނގެ

·     الأحد (އަލްއަޙަދު): އެއްކައުވަންތަ ރަސްކަލާނގެ

·     الصمد (އައްޞަމަދު)  އެންމެހާ ތަކެތި އެކަލާނގެއަށް ބޭނުންތެރިވެގެންވާ، އަދި އެއްވެސް އެއްޗަކަށް، އެކަލާނގެ ބޭނުންވެވޮޑިގެންނުވާ ރަސްކަލާނގެ

·     القادر (އަލްޤާދިރު):  ކުޅަދުންވަންތަ ރަސްކަލާނގެ

·     المقتدر (އަލްމުޤްތަދިރު): ހުރިހާ ކަމެއްގެ މައްޗަށް ކުޅަދުންވަންތަ ނުކުޅެދުންތެރި ކަމެއް ނެތް ރަސްކަލާނގެ

·     المقدم (އަލްމުޤައްދިމު): އެކަލާނގެ ޙިކްމަތްފުޅާ އެއްގޮތަށް މީހުން އިސްކުރައްވާ ރަސްކަލާނގެ

·     المؤخر (އަލްމުއައްޚިރު): އެކަލާނގެ އިރާދަފުޅާ އެއްގޮތަށް މީހުން ފަސްކުރައްވާ ރަސްކަލާނގެ

·     الأول (އަލްއައްވަލު): ފެށުމެއްނެތި އިސްވެވޮޑިގެންވާ ރަސްކަލާނގެ

·     الآخر: (އަލްއާޚިރު): ނިމުމެއްނެތި ފަސްވެވޮޑިގެންވާ ރަސްކަލާނގެ 

·     الظاهر (އައްޡާހިރު): ހެކިތަކުން ފާޅުވެވޮޑިގެންވާ ރަސްކަލާނގެ  

·     الباطن (އަލްބާޠިނު):  ޙިއްސުތަކަށް ވަންހަނާވެވޮޑިގެންވާ ރަސްކަލާނގެ

·     المتعالي (އަލްމުތަޢާލީ): އުނިސިފަތަކުންނާއި ޚުލުޤުތަކުން ހުސްޠާހިރުވެ  މަތިވެރިވެވޮޑިގެންވާ ރަސްކަލާނގެ  

·     البر (އަލްބިއްރު): އެކަލާނގެ އަޅުންނަށް ނިޢުމަތްތައް ދެއްވުމާއި އޯގާވެރިކަމުން ހެޔޮވަންތަ ރަސްކަލާނގެ

·     التواب (އައްތައްވާބު):  ގިނަގިނައިން ތައުބާ ޤަބޫލުކުރައްވާ ރަސްކަލާނގެ

·     المنتقم (އަލްމުންތަޤިމު): މުހްލަތު ދެއްވުމަށް ފަހު މުޖްރިމުންގެ ކިބައިން ބަދަލުހިއްޕަވާ ރަސްކލާނގެ

·     العفو (އަލްޢަފުއްވު):  މާފުކުރައްވާ ރަސްކަލާނގެ

·     الرؤوف (އައްރައޫފު): ނުހަނު އޯގާވަންތަ ރަސްކަލާނގެ

·     ذو الجلال والإكرام (ޛުލްޖަލާލި ވަލްއިކްރާމި):  ކީރިތިވަންތަކަމާއި، މާތްވަންތަކަމުގެ ވެރިރަސްކަލާނގެ

·     مالك الملك (މާލިކުލްމުލްކި):  ކައުނުގައިވާ ހުރިހާ އެއްޗެއްގެ ޙަޤީޤީ ވެރިކަން މިލްކުވެގެންވާ  ރަސްކަލާނގެ

·     المقسط (އަލްމުޤްސިޠު): ޙުކުންކުރެއްވުމުގައި ޢަދްލުވެރި ރަސްކަލާނގެ  

·     الجامع (އަލްޖާމިޢު): ހިސާބުބެއްލެވުމަށް ޓަކައި ޤިޔާމަތްދުވަހުން ހުރިހައި ޚަލްޤުތައް ޖަމާކުރައްވާ ރަސްކަލާނގެ  

·     المانع) އަލްމާނިޢު): އެކަލާނގެ އަޅުން ޙިމާޔަތްކޮށް ރައްކައުތެރިކުރައްވާ ރަސްކަލާނގެ

·     الغني (އަލްޣަނިއްޔު):  އެހެން އެއްވެސް ފަރާތަކަށް ބޭނުންވެވޮޑިގެންނުވާ ފުދިވޮޑިގެންވާ ރަސްކަލާނގެ

·     المغنى (އަލްމުޣްނީ): އެކަލާނގެ ދީލަތިވަންތަކަމުންނާއި ދަރުމަވަންތަކަމުން އެކަލާނގެ އަޅުން ފުދުންތެރިކުރައްވާ ރަސްކަލާނގެ  

·     الضار (އައްޟާއްރު):  އެކަލާނގެ އިރާދަފުޅާއި ޙިކުމަތްފުޅާ އެއް ގޮތަށް ގެއްލުން މިންވަރުކުރައްވާ ރަސްކަލާނގެ

·     النافع  (އައްނާފިޢު): އެކަލާނގެ އިރާދަފުޅާއި ޙިކުމަތްފުޅާ އެއް ގޮތަށް ފައިދާ މިންވަރުކުރައްވާ ރަސްކަލާނގެ 

·     النور (އައްނޫރު):  އަލިކަން ދެއްވާ ރަސްކަލާނގެ

·     الهادي (އަލްހާދީ): ތެދުމަގަށް ހިދާޔަތު ދެއްވާ ރަސްކަލާނގެ

·     البديع: (އަލްބަދީޢު): އެއްވެސް މަސީލެއްނެތި ކޮންމެ އެއްޗެއް އަލަށް އީޖާދުކުރައްވާ ރަސްކަލާނގެ

·     الباقي (އަލްބާޤީ): ފަނާވުމެއް ނެތިދިޔުމެއް ނެތި ދާއިމަށް  ތާއަބަދަށް ދެމިވޮޑިގެންވާ ރަސްކަލާނގެ

·     الوارث (އަލްވާރިޘު): ހުރިހާއެއްޗެއް  ފަނާވުމުން އޭއްޗެހީގެ ދެމިހުންނަނިވި ވާރުތަވެރި ރަސްކަލާނގެ

·     الرشيد  (އައްރަޝީދު): ޚަލްޤުތަކުންނަށް ހެޔޮ ނުބައި މަގު  އަންގަވާދެއްވާ ރަސްކަލާނގެ

·     الصبور (އައްޞަބޫރު): ކެތްތެރިވަންތަ ރަސްކަލާނގެ

ﷲގެ އެންމެ ރިވެތި ނަންފުޅުތައް އެނގުމުގެ އަހަންމިއްޔަތު

v    ﷲއާއި އެކަލާނގެ ނަންފުޅުތަކާއި ސިފަފުޅުތައް ދެނެގަތުމަކީ އެންމެ މަތިވެރި ޢިލްމެވެ. އެންމެ ޝަރަފުވެރި ފަރާތަކީ ﷲ ކަމުގައި  ވާތީއެވެ.

v    ޙައްޤު ގޮތުގައި ﷲ ދެނެގަތުމަކީ އެކަލާނގެ ދެކެ ލޯބިވުމަށާއި އެކަލާނގެ ދެކެ ބިރުގަތުމަށް ގޮވައިލާނެ ކަމެކެވެ. އެކަމުގެ ސަބަބުން އަމަލުތަކުގައި އިޚްލާޞްތެރި ވެވޭނެއެވެ. މި ކަމުގެ ސަބަބުން އަޅާއަށް ބާއްޖަވެރިކަން ލިބޭނެއެވެ. ﷲ ދެނެގަނެވޭނީ އެކަލާނގެ ނަންފުޅުތައް އެނގިގެންނެވެ. މިނަންފުޅުތަކުގެ މާނަތައް އެނގިގެންނެވެ.

v    ﷲ ސުބްޙާނަހޫ ވަ ތަޢާލާގެ އިސްމުފުޅުތައް އެނގުމަކީ އީމާންކަން ހަރުދަނާވާނެ  ކަމެކެވެ. އައްޝައިޚު ޢަބްދުއްރަޙްމާނުއް ސަޢުދީ ވިދާޅުވާ ގޮތުގައި (ﷲ ތަޢާލާގެ އެންމެ ރިވެތި ނަންފުޅުތަކަށް އީމާންވެ މި ނަންފުޅުތައް ދެނެގަތުމުގައި ތައުޙީދުގެ ތިން ބައި ހިމެނެއެވެ.[1]

v    ﷲ ތަޢާލާ ޚަލްޤުތަކުން ޚަލްޤުކުރެއްވީ އެކަލާނގެ ދެނެގަނެ އެކަލާނގެއަށް އަޅުކަންކުރުމަށެވެ. އިބްނުލްޤައްޔިމު ވިދާޅުވިއެވެ. ( ރަސޫލުބޭކަލުންގެ ދަޢުވަތުގެ ތަޅުދަނޑިއަކީ އަދި އެބޭކަލުންގެ ރިސާލަތުގެ ބޯކިރުފޮދަކީ އަޅުކަންކުރެވޭ ފަރާތް އެ ފަރާތުގެ ނަންފުޅުތަކާއި ސިފަފުޅުތަކާއި ޢަމަލުފުޅުތަކުން ދެނެގަތުމެވެ.)[2]