ކަނީރު ޢަބްދުއްރަޙީމް

ހަނދުވެސްއަރައި މިރޭއެހެރީ ލަދުއަޅައިގެނޭ

       ކަނދުބުޑުނުލާ މިދިމިކުރަތީ ކުރިނުފެނިގެނޭ

ހައިރާންވެ ލޯބޮޑުވެ ދެތަލިންކުޅުފެލަންޖެހޭ

       ހައިވާ ވަރުންނެ ހިންދިރުވީ ބާރުލައި ގެނޭ

އަގުހުރިވަރާ އެހުރިގޮތަކާ އޮޅުވިއޮޅުވުމުން

       އަގުތައްހެދީ ނުވެއްޓޭހެން ބިންބަލައި ގެނޭ

މިއަދޭ މިއޭ މިފުރުސަތަކީ މާދަމާ ނެތޭ

       ހިއަހާސް އަދަދުލިބޭ އަތުލީހަމަ ގުނައިގެނޭ

ލަދުއަގުކުލުނުހަޔާތެ ނެތީ މަޒުހަބެއްނެތީ

       އަދުނޫންއިރެއްއަރާނެ ހަނދާނުން ފިލައިގެނޭ

ދުނިޔޭގެ ދަހިހިތަށްވެރިވީމާ ސަލާމަތުން

       އުނިކަންނުވާ ކަމެއްނުކުރޭ ހިތް ކިޔައިގެނޭ

____________________