[ޚާމަނާއީ ޝަހީދުކޮށްލުމަކީ ޓުރަންޕަށް ހެދުނު ވަރަށް ބޮޑު ގޯހެއް.] - ޑުމީޓްރީ މިޑްވާޑޭވް

ޓުރަންޕަކީ އެއްވެސް ސުލޫކެއް އަދަބެއްސަދަބެއް ނެތް ބަދުއަޚުލާގީ މީހެކެވެ. އެހެންކަމުން އޭނާގެ ބާރު ނެތެމުންދާ ވަރަކަށް ރުޅި ގަދަވެގެން ނިޔުކުލިޔަރު ހަތިޔާރު ބޭނުންކުރުމަކީ ވެސް ނުވާނެކަމަކަށް މިހާރު ބަލާކަށް ނުވާނެއެވެ. އަދި މިހާރު މި ވަނީ ތިންވަނަ ބޮޑު ހަނގުރާމައެއް ފެށުމާ ވަރަށް ގާތުގައިކަމަށް މުޙައްލިލުން ލަފާކުރެއެވެ.

ރޫސީވިލާތުގެ ކުރީގެ ރައީސް ޑުމީޓްރީމިޑުވާޑޭވު ވިދާޅުވެފައިވާ ގޮތުގައި ގައުމުތަކުގެ ވެރިކަން ބަދަލުކުރުމަށް ޓަކައި ޓުރަންޕު ހިނގަމުން އެ ގެންދާ މުޖުރިމު ޢަމަލުތަކުގެ ސަބަބުން ތިންވަނަ ބޮޑުހަނގުރާމައަކަށް އޭނާ އެ މަގުފަހިކުރަނީއެވެ.

މިވަގުތު ރޫސީވިލާތުގެ ސަލާމަތާ ބެހޭ މަޖިލީހުގެ ރިޔާސަތުބަލަހައްޓަވަމުން ގެންދަވާ ޑުމީޓްރީމިޑުވާޑޭވު ވިލާތުގެ މީޑީއާއަކަށް މި ދިޔަ ހޯމަދުވަހު ދެއްވި ބަސްދީގަތުމެއްގައި [މިހާރު ދެން ތިންވަނަ ބޮޑު ހަނގުރާމަ ފެށުނީތޯ] އޭނާއަށް ސުވާލެއް ދެންނެވުނެވެ. އޭގެ ޖަވާބުގައި ޑުމީޓްރީމިޑުވާޑޭވު ވިދާޅުވިއެވެ. [ފަންނީ ގޮތުން ދަންނަވަންޏާ ދެންނެވޭނީ ނޫނެކޭއެވެ. ނަމަވެސް ދުނިޔޭގެ ގައުމުތަކުގެ ވެރިކަން ބަދަލުކުރުމުގެ ވިޔާނުދާ މަސައްކަތް ހުއްޓުމެއް ނެތި ކުރިއަށް ގެންދާ ނަމަ، އެއްވެސް ޝައްކެއް ނެތް ގޮތުގައި އެ ކަންތައް [ތިންވަނަ ބޮޑުހަނގުރާމަ] ފެށޭނެއެވެ.]

އަދި އޭނާ އިތުރަށް ވިދާޅުވި ގޮތުގައި ޓުރަންޕު ކުރިމަތިކުރުވާ ކޮންމެ ހާދިސާއަކުން އެ ކުރެވޭ ކަމަކީ ބަޑީގެ ޓުރިގަރަށް އިނގިލި އޮއްބައިލެވެނީއެވެ. އެ ނިޔަތުގައި ޓުރަންޕު ހިންގާ ކޮންމެ އަމަލަކުން އެ ކަމާ ދުނިޔެ ކައިރިކުރަނީއެވެ.

”އީރާނަށް އެމެރިކާއާއި އެމެރިކާގެ ބައިވެރީން ވެގެން ޙަމަލާދިނުމަކީ ދުނިޔޭގެ މައްޗަށް އަތްގަދަކުރާން ޓުރަންޕު ހިންގާ ސަރަހައްދީ ހަނގުރާމަތަކުގެ ބައެކެވެ.]

މިޑުވާޑޭވު ދެކެވަޑައިގަންނަވާ ގޮތުގައި އީރާނުގެ އެންމެ މަތީ ވެރިޔާ އާޔަތުﷲ ޚާމަނާއީ ޝަހީދުކޮށްލުމަކީ ޓުރަންޕް ހެދި ވަރަށް [ކަނޑުކޮސް] ގޯހެކެވެ. އޭގެ ސަބަބުން އެމެރިކާގެ ހުރިހައި ރައްޔިތުން އޭނާ އެ ހުށަހެޅީ ވަރަށް ބޮޑު ހިރާހަކަށެވެ.

އާޔަތުﷲ ޚާމަނާއީއަކީ 300 މިލިއަން ޝިއަޢީންގެ ރޫޙާނީ ބައްޕައެވެ. މިހާރު އޭނާ އެ ވަނީ ޝަހީދުކޮށްލެވިފައެވެ.

އޭނާ ޝަހީދުކޮށްލެވުމާ ގުޅިގެން [ނިޔުކުލިއަރު ހަތިޔާރުއުފައްދާން އީރާނުން ކުރާ މަސައްކަތް ތިންގުނައަށް ޖައްސާނެކަމީ އެއްވެސް ޝައްކެއް އޮތް ކަމެއްނޫނެވެ.] މިޑުވާޑޭވު ވިދާޅުވިއެވެ.

މި އަރައިރުމާއި ދެބަސްވުމާ އެކު އަދި އީރާނުގެ ރޫޙީ ލީޑަރު ޝަހީދުވެފައިވާ މި ދަނޑިވަޅުގައި އީރާނަށް ސާބިތުކަމާ އެކު ހިންދެމިލެވޭނެތޯ މިޑުވާޑޭވަށް ދެންނެވުމުން ވިދާޅުވީ [ގައުމު އަލުން ބިނާކުރުމަކީ އުނދަގޫ ކަމެއް ނަމަވެސް، އިސްލާމީ ޖުމްހޫރިއްޔާ ކާމިޔާބު ހޯދާނެ]ކަމަށެވެ. އެ ކަމަށް ޓަކައި ވަރަށް މަތީ ދަރަޖައަކަށް ބޭނުންވަނީ އިޖުތިމާޢީ އެއްބައިވަންތަކަމެވެ. [އީރާނަށް ޙަމަލާދީ އީރާނުގެ އިސްވާރު ޝަހީދުކޮށްލައިގެން އެމެރިކާއިން އެ ކޮށްދިނީ އެ ކަންތަކެވެ. [ކުރީން ނެތް ފަދަ އިޖުތިމާއީ އެއްބައިވަންތަކަމެއް ހޯދައިދީފިއެވެ.]]

އީރާނަށް ޙަމަލާދިން ގޮތަށް ކޮންމެވެސް ދުވަހަކުން، ރޫސީންނާ މަޝްވަރާކުރުމުގެ ތެރޭން ރޫސީވިލާތަށް އެމެރިކާއިން ޙަމަލާދީފިއްޔާ ވާނީ ކިހިނެއްތޯ ދެންނެވުމުން މިޑުވާޑޭވު ވިދާޅުވީ [ކަށަވަރުވާ އެއް ކަމެއް އެބަ އޮތް] ކަމަށާއި އެއީ [ތިޔަ ބުނާ ކަމެއް ދުވަހަކު ވެސް ނުހިނގާނެ]ކަމެވެ. [މާނައަކީ އެމެރިކާއަކުން ރޫސީވިލާތަށް ޙަމަލާއެއް ނުދޭނެއެވެ.]

އެމެރިކާއިން ރޫސީވިލާތް ދެކެ ބިރުގަނެއެވެ. ނިޔުކުލިއަރު އަރައިރުމެއްގެ [އަގު] އެމެރިކާއަށް ވެސް ރަނގަޅަށް އެނގޭނެއެވެ. ޑުމީޓްރީމިޑުވާޑޭވަކީ ރޫސީވިލާތުގެ ސިޔާސި ވަރަށް ބޮޑު ތަޖުރިބާކާރެކެވެ. އޭނާވަނީ 2008އިން 2012އަށް ރޫސީވިލާތުގެ ރައީސްކަން ކުރައްވައިފައެވެ. އަދި 2012އިން 2020އަށް ރޫސީ ބޮޑުވަޒީރުކަން ކުރައްވައިފައެވެ. މިއީ ސިޔާސީ ތަޖުރިބާކާރެއްގެ އިތުރަށް މިއީ ގާނޫނީ ވަކީލެއް ވެސް މެއެވެ. އޭނާ ދުނިޔޭގެ އަލިކަން ދެކެވަޑައިގަތީ 1965ގައެވެ. އެހެންކަމުން މި ފަދަ ބޭފުޅުން ދައްކަވާ ވާހަކަފުޅުތަކުގައި [އާރުލާނެ]އެވެ.

މިޑްވާޑޭވް ވިދާޅުވެފައިވާ ފަދައިން އާޔަތުﷲ ޢަލީ ޚާމަނާއީ ޝަހީދުކޮށްލުމަކީ ޓުރަންޕަށް ހެދުނު ވަރަށް [ކޮސް] ގޯހެއްކަން މިހާރު ޓުރަންޕަށް ވެސް ގަބޫލުކުރެވިއްޖެއެވެ. އެހެންކަމުން ކުރީން ފަޚުރުވެރިކަމާ އެކު އެ ވާހަކަދެއްކުން ހުއްޓައިލައިފިއެވެ. ކުރީން އެމެރިކާއާއި އިސްރާއީލުން އެ ވާހަކަދައްކަމުން ގެންދިޔައީ ވަރަށް ބޮޑުކާމީޔާބީއެއްގެ ގޮތުގައި ފަޚުރުވެރިކަމާ އެކުގައެވެ. ނަމަވެސް އެ ޢަމަލުގެ ސަބަބުން އީރާނުގެ ވެރިކަން ބަދަލުކޮށެއްނުލެވުނެވެ. އެ މީހުންގެ އިޖުތިމާޢީ ގުޅުން ވީ ބަދައްސެވެ. އެ ކަން ޓުރަންޕަށް ތަޖުރިބާކުރެވުމުން މިހާރު އެ ވާހަކަދެއްކުން ހުއްޓައިލައިފިއެވެ.

ބައެއް ލަފުޒުގެ މާނަ:

ހިރާސް     ނ.     (1) ގެއްލުމެއް ލިބިދާނޭ ފަދަ ނުވަތަ ނުރައްކަލަކާ ކުރިމަތިލާން ޖެހިދާނޭ ފަދަ ކަމެއް. (2) ނޭދެވޭ ކަމެއް މެދުވެރިވުމުގެ ފުރުސަތު. (3) ނުރައްކަލަކަށް ހުޅުވިދާނޭ ފަދަ ޙާލަތެއް. risk

ބަދަހި      ނއ.    (1) ގުޅުން ރަނގަޅު. (2) ވަތް ގާތް. (3) ހަދައިފައި ހުރި ލެއް ވަރުގަދަ. (4) ފޭރާން ހެޔޮ.