އެމެރިކާއާއި އިސްރާއީލު ގުޅިގެން އީރާނަށް ޙަމަލަދިނުމާ ގުޅިގެން މެދުއިރުމަތީގައި ހުރި އެމެރިކާގެ މަޞްލަޙަތުތަކަށް އެމެރިކާއިން ޙަމަލާދިނެވެ. ނަމަވެސް ޢަރަބި އިސްލާމީ ޤައުމެއްކަމަށްވާ ޢުމާނަކަށް އީރާނުން ޙަމަލައެއް ނުދެއެވެ. ފުރަތަމަ ސުވާލަކީ އީރާނުން ޢުމާނަށް ޙަމަލާނުދިނީ ކީއްވެހެއްޔެވެ؟ ދެވަނަ ސުވާލަކީ އިސްރާއީލާއި އެމެރިކާއިން ޙަމަލާދިނުމުން ގަލްފުގެ ޤައުމުތަކަށް  އީރާނުން ޙަމަލާ ދޭން ޖެހުނީ ކީއްވެހެއްޔެވެ؟ ތިންވަނަ ސުވާލަކީ ޗައިނާއާއި ރަޝިޔާއިން ދީފައި ހުރި  މި ޒަމާނުގެ އެންމެ ކުރިއަރައިފައި ހުރި ހަތިޔާރު ބޭނުންކޮށްގެން އީރާނުން އިޒުރޭލާ އެމެރިކާގެ ބޯޓެއް އެ ހަމަލާގައި ވައްޓައިނުލެވުނީ ކީއްވެހެއްޔެވެ؟ ޖަވާބުތައް ވިދާޅުވާށެވެ!

ފުރަތަމަ ސުވާލުގެ ޖަވާބު:

ޢުމާނަކީ ސުންނީ އެހެން ޤައުމުތަކާ ޚިލާފަށް، އެއީ އެ މީހުންގެ ހުރިހައި ކަމެއްގެ މަޞްދަރުކަމުގައި ކީރިތި قرآن ބަލައިގެން އުޅޭ اباضي މަޒުހަބު އޮންނަ ތަނެކެވެ . އެހެންވެ މިބައިމީހުންގެ މުނާފިޤުކަން ވަރަށް ކުޑައެވެ. ބުނާ ބަހާއި ކުރާ ކަންކަން ވަރަށް ދިމާވާ ބަޔެކެވެ. انما الا عمال با النيات ކިޔައިގެން ފަޅޮލެއް ކަމުން މިއީ އަނބެކޭ ހިތުނިޔަތްގަނެގެން ކައި އުޅޭ ބަޔެއްނޫނެވެ. މި ބައިމީހުންނަށް އަނބެއް ކާ އިރު އެއީ ހަމަ އަނބެކެވެ. ފަޅޯ ކާ އިރު އެއީ ފަޅޮލެވެ. ނިޔަތް ގަންނަ ގޮތަކުން އެ ކާ ކެއުކަމަށް ވެސް މޭވާއަކަށް ވެސް ބަދަލެއް ނާދެއެވެ.

އަދި ސުންނީ އެހެން ޤައުމުތަކާ ޚިލާފަށް އެހެން މީހުންނަށް އުޅޭންވީ ގޮތް ކިޔައިދީފައި ތިމާމެން އެ ގޮތަށް ނޫޅޭ ބަޔެއްނޫނެވެ.

ދެވަނަ ސުވާލުގެ ޖަވާބު:

ދެވަނަ ސުވާލަކީ އެމެރިކާއާއި އިސްރާއީލުގެ ޙަމަލާގެ ރައްދުގައި އީރާނުން ޙަމަލާދިން ގަލްފގެ ޤައުމުތަކަށް ޙަމަލާދޭންޖެހުނީކީއްވެހެއްޔެވެ؟

ޖަވާބު ވަރަށް ސާފެވެ. އީރާނަށް ބޮން އަޅަން އުދުހުނު އިޒުރޭލާއި އެމެރިކާގެ 100 އަށްވުރެ ގިނަ ބޯޓު އެ ހިސާބަށް ދިޔައީ ސޫރިޔާގެ ވައިގެ ސަރަޙައްދު ހުރަސް ކޮށް ސޫރިޔާގެ ތެރެއަށް ވަދެގެން ސޫރިޔާއަށާއި އުރުދުނަށާއި ތުރުކިޔޭއަށް ވެސް އެނގިގެން ހުއްދަލިބިގެންނެވެ. އެމެރިކާއާއި އިޒުރޭލުން ފޮނުވި  ހުރިހައި  ގައިޑެޑް  މިސައިލަކަށާއި ގައިޑެޑް ބޮންތަކަށް އަމާޒު ދެއްކީ (ތެދުމަގު ދެއްކީ)  އަދި ޙަމަލާދޭންވީ ސީދާ ނުކުތާތައް، ކޯޑިނޭޓުތައް، ބުނެދިނީ، އެ ގަލްފުގެ ޤައުމުތަކުގައި ބަހައްޓައިފައި ހުރި އެޑްވާންސް ރާޑަރު ނިޒާމުތަކުންނެވެ. އެ ތަންތަނަށް ޙަމަލާ ދިނީ އެހެން ވެގެންނެވެ. މުޅި ގަލްފުގައި ހުރި އެމެރިކާގެ ހުރިހައި ބޭހެއް (މަރުކަޒެއް) ކުދިކުދިނުވަނީސް އީރާނުން ދެން މި ހަނގުރާމައެއް ނުހުއްޓާނެއެވެ.  އެމެރިކާޔަށް އޮތީ އެ ސަރަޙައްދު ދޫކޮށް ދިޔުމެވެ. ޢަމަލު އޮތީ ނިޔަތް އޮތް ގޮތަކަށްކަމަށް ހަދައިގެން އެމެރިކާ އެއީ ހެއްދެވި ފަރާތްކަމަށް ޤަބޫލުކުރާ ކުރުން ދޫކޮށް މުނާފިޤު ސުންނީ ޤައުމުތަކަށް އޮތީ ﷲއަށް ތައުބާވެ ދައްޖާލުގެ ވަގުތީ ސުވަރުގޭން ނުކުތުމެވެ.

ތިންވަނަ ސުވާލުގެ ޖަވާބު:

ތިންވަނަ ސުވާލަކީ ބޮން އަޅައިފައި ދިޔައިރުވެސް ރަޝިޔާއާއި ޗައިނާގެ އެޑްވާންސްޑް ހަތިޔާރުން އެމެރިކާއާއި އިޒުރޭލްގެ ބޯޓެއް ވައްޓައިނުލެވުނީކީއްވެހެއްޔެވެ؟

ޖަވާބު މި ދަންނަވަނީއެވެ. ރަނގަޅަށް ވިދާޅުވާށެވެ!

ޙުނައިން ހަނގުރާމައިގާ  ކައު އިތުރު މާތް ރަސޫލާ r ހަނގުރާމައިގެ މައިދާނުގައި ސާބިތުވެ ހުންނެވިއެވެ. ސަޙާބީންނަށް ހެއްދެވުނު އިސްތިރާޖީ ކުށެއްގެ ސަބަބުން ވަރަށް ބޮޑެތި ގެއްލުން އެދުވަހު މުސްލިމުންނަށް ލިބުނެވެ. އެއީ މިއަދު ވީ ކަމެއް ނަމަ، އަޅުގަނޑުމެންގެ ތެރޭގައި މާތް ރަސޫލާ rބަދުނާމުކޮށް ވާހަކަދައްކާނެ ކިތައް މީހުން ތިބޭނެތޯއެވެ. ބައެއް މީހުން ބުނެފާނެއެވެ. މާތްﷲގެ ރަސޫލެއްގެ ފަހަތްޕުޅުގައި ތިބި ބައެއް ނަމަ ތިޔަ ބޮނޑިއެއް ނުބުއީހޭ، ތިޔައިން ވެސް އެނގެނީ ޙައްޤު މަގުގައި ތިބި ބަޔެއް ނޫންކަމެވެ. އުޙުދު ހަނގުރާމައާ ގުޅިގެން ވެސް މަދީނާގެ މުނާފިޤުން މި ފަދަ ކިތަންމެ ވާހަކައެއް ދެއްކިތާއެވެ! ސުއްބޫޙުން ޤުއްދޫސުންނެވެ!

ލޮބުވެތި އަޚުންނާއި އުޚުތުންނޭވެ! އެއީ އެހެން އޮތް ކަމެއް ނޫނެވެ. ހަނގުރާމައެއްގައި ގެއްލުން ލިބުމަކީ ރަސޫލުން ހަނގުރާމައިގެ މައިދާނުގައި ތިއްބެވިޔަސް ހިނގާ ކަމެކެވެ. އެހެންވާ ކޮންމެ ފަހަރަކު އަޅުގަނޑުމެންނަކީ މުނާފިޤުންނަށް ވެގެންނުވާނެއެވެ. އަޅުގަނޑު ޙުނައިން ހަނގުރާމައިގެ ދުވަހު ދުނިޔޭގައި ހުރި ނަމަ މާތް ރަސޫލާ އަވަހާރަކޮށްލައިފިކަމަށް ގޮވައިލި އަޑު އިވުނު ނަމަ، އަޅުގަނޑު ދުވުނީހީ ފިލާކަށް ނޫނެވެ. ޖެހުނު މީހެއްގެ ފުއްކިބައާއި ދަތްދޮޅި ވެސް ދުއްވާލީމުހެވެ. އަޅުގަނޑުގެ  ހިތްވަރާއި ކުޅަދާނަކަން ދިހަ ގުނަޔަށް ބޮޑުކޮށްލީމުހެވެ. ޝަހީދުވަންދެން މުޅި މައިދާނުގައި  ބުމަރެއްހެން އެނބުރިގަންނާނަމެވެ. އެ ހިސާބުން ދެން، ގެޔަށް، އަނބި ދަރީންގެ ކައިރިޔަށް،  އެނބުރި ދިޔުމުގެ ޚިޔާލު ދޫކޮށްލީމުހެވެ. މިއީ ހަމަ ފިސާރި ޙައްޤު ތެދެކެވެ.

އީރާނަކީ ވެނެޒިއުލާއެއްނޫނެވެ. އަހަރުދުވަހު މެދުނުކެޑި ފޮނުވާނޭ ޑްރޯނާއި މިސައިލު އީރާނުގެ އަތުގައި އެބަ ހުއްޓެވެ. އެމެރިކާއާއި އީރާނަށް ބަލި ނުކުރެވުނަސް ކުޑަކަކޫ މައްޗަށް ތިރިކޮށްލެވޭހައި މިސައިލާއި ޑުރޯނު އީރާނުގައި އެބަހުއްޓެވެ. އެހާރުން ދުނިޔޭގެ ބޮޑު ބާރުގެ ގޮތުގައި އެ ތަޚުތުގައި އިށީންނާނީ  ޗައިނާއާއި ރަޝިޔާއިންނެވެ. މުސްލިމުންނަށް މި ވަގުތު އޮތީ ދަތިތަކާ އެކު ބަނޑުހައިހޫނުކަން މަތީ އީރާނުން މި ބޮޑު ދައްޖާލު – އެމެރިކާ، ކުޑަކަކޫ މައްޗަށް ތިރިވަންދެން އީރާނާ އެކު ކެތްކޮއްލުމެވެ.   އެމެރިކާ ކުޑަކަކޫ މައްޗަށް ތިރިވާ ތަން ބަލާން ނުތިބެވިގެން އިޒުރޭލުން ނިއުކުލިއަރު ހަތިޔާރުގެ ބޭނުން ހިފައިފިއްޔާ އެއީ މަހުދީގެފާނު ފާޅުވާ ހިސާބަށް ދިއައީއެވެ. ރަޝިޔާ އެ ތަން ބަލާކަށް ނޯންނާނެއެވެ.  ޢީސާގެފާނުގެ ރަސޫލްކަން ޤަބޫލް ނުކުރި ދައްޖާލް ބައިގަނޑާ ދެކޮޅަށް ޗައިނާއާއި ރަޝިޔާ ގުޅިގެން  ނުކުންނާނެއެވެ. ޢީސާގެފާނު ފާޅުވުމުގެ ވަގުތު އޭރު އޮންނާނީ ޖެހިފައެވެ. ސުންނީންގެ ތެރޭން މަގުފުރެދިފައި ތިބި މުނާފިގުންނާއި ހުރިހައި އެންމެނަށް ފޮތާއި ޙިކްމަތް އަލުން މަހުދީގެފާނާ ޢީސާ ޢަލައިހިއްސަލާމް ކިޔައި ދެއްވާނެކަމަށް  މުޢުތަބަރު ފަރާތްތަކުން ޚަބަރު ލިބިފައިވެއެވެ.

وجزاكم الله خير الصحة والعافية في ه‍ىذ الرمضان .  والحمد لله