އިސްރާއީލާއި އެމެރިކާ ގުޅިގެން ޣައިރުޤާނޫނީ ގޮތެއްގައި ބޭއިންސާފުން އީރާނަށް މިއަދު ހަމަލާދިނީ ބިރުން ވިރިވި ތިބެއެވެ. އެކަން އެނގެނީ އީރާނަށް ޙަމަލާދިނުމުގެ ކުރީން ހަނގުރާމައިގެ ބަރުގޮނުއަޅައި އިސްރާއީލުން މުޅި ގައުމުގައި ކުއްލި ޙާލަތު އިޢުލާނުކުރީތީއެވެ. ކުއްލި ހާލަތު އިޢުލާނުކުރަމުން ބުނެފައިވަނީ ކުއްލި ހާލަތު އިޢުލާނުކުރީ އީރާނުން އަތުވެދާނެ ހަމަލާއަކުން ދިފާޢުވުމަށްޓަކައިކަމަށެވެ. އަދަބީ ބަހުރުވައަކުން ދަންނަވާ ނަމަ، [ހުން އަންނާނެކަމަށް ރަޖާލީއެވެ.]

ހުރިހައި އެއަރޕޯޓުތަކެއް ވަނީ ބަންދުކޮށްފައެވެ. އިސްރާއީލުގެ އެއަރުޕޯޓު ކުންފުނީން ބުނެފައިވާ ގޮތުގައި މަދަނީ ހުރިހައި އުދުހުންތަކެއް ވަނީ ބަންދުކުރެވިފައެވެ. އަދި އެއްވެސް ރައްޔިތަކު އެއަރޕޯޓަށް ނައުމަށްވަނީ ރައްޔިތުންނަށް އަންގައިފައެވެ.

އަނެއްކޮޅުން ޤަތަރުގައި ހުންނަ އެމެރިކާ ސަފާރާއަށް އަންގައިފައިވަނީ އެހެން ގޮތަކަށް ނާންގާހައި ހިނދަކު ސަފާރާތެރޭގައި ރައްކާތެރިވެގެން ތިބުމަށެވެ. އިރާޤުގެ ދަތުރުފަތުރާ ބެހޭ ވުޒާރާއިން އިޢުލާނުކޮށްފައިވާ ގޮތުގައި އެ ގައުމުގެ ގައުމީ ވައިގެ ސަރަހައްދު ވަނީ މިހާރު ބަންދުކޮށްފައެވެ.

އިސްރާއީލުގެ ދިފާއީ އޮފިޝަލުން ރޮއިޓަރސްއަށް މަޢުލޫމާތު ދީފައިވާ ގޮތުގައި އިރާނާ އެކު އެމެރިކާއިން ވާހަކަތައް ކުރިއަށް ގެންދިޔަ ކަމުގައި ވިޔަސް، އީރާނަށް ހަމަލާދޭން މީގެ އެތައް މަހެއްކުރީން ވަނީ ރާވައި ތައްޔާރުކޮށްފައެވެ.

އެހެންކަމުން އިސްރާއީލާއި އެމެރިކާގެ އަނިޔާވެރިކަމާއި ބޭއިންސާފު މި ކަމުން ސާބިތުވެއެވެ. އަދި އީރާނުގެ އީމާންތެރިކަމާއި އިސްރާއީލު މީހުން މަރަށް ބިރުގަންނަ މިންވަރު ވެސް ހާމަވެއެވެ.

އީރާނު އޮތީ އެކަންޏެވެ. ވަށައިގެން ތިބި ސުންނީންނޭ ކިޔާ ގައުމުތަކަކީ އެމެރިކާއާއި އިސްރާއީލުގެ ބައިވެރީންނެވެ. ނަމަވެސް ކާފަރުންގެ ކުރިމަތީގައި އަމާންދިނުމަކީ އީރާނުގެ އަގީދާގައި ހަރާންކަމެކެވެ. އެހެންކަމުން އެ ގައުމުން ތިބީ ފަތަޙާއާއި ކާމީޔާބީ، ނުވަތަ ޝާހީދުވުމަށް ތައްޔާރުވެގެންނެވެ. އެއްވެސް ހާލެއްގައި އެމެރިކާގެ ކުރިމަތީގައި އީރާނަކުން ކުޑަކަކުލެއް ނުޖަހާނެއެވެ.

އީރާނުން ވަނީ އެ ގައުމަށް ފަތަޙައާއި ކާމިޔާބީ ދެއްވުން އެދި ދުޢާކޮށްދިނުމަށް މުސްލިމުންގެ ކިބައިން އެދިފައެވެ. މާތް ﷲ، އިސްލާމްދީނަށް ޓަކައި އެ ދީނުގެ ޢަދުއްވުންނާ ހަނގުރާމަކުރާ އީރާނަށް ނަޞްރާއި ކާމިޔާބީ މިންވަރުކުރައްވާށިއެވެ!