2025 ފެބްރުވަރީ 24ގައި އަދަދުގެ ބާކީ)

ދެން އަޅުގަނޑު މި ބަލައިލަނީ މެލޭޝިއާބަހާއި އިންޑޮނޭޝިއާ ބަހަށް ޢަރަބިބަހުން ލޯނުކޮށްފައިވާ (ގެންގޮސްފައިވާ) ބައެއް ލަފުޒުތަކަށެވެ. ފާހަގަކޮށްލެއްވުން އެކަށީގެންވާ ފަދައިން "ވަލައު"އާއި "މުމްކިން" ފިޔަވައި ދެން ހުރި ހުރިހައި ލަފުޒުތަކަކީ ހަމަ ޢަރަބި ބަހުން ދިވެހިބަހަށް ވެސް އައިސްފައިވާ ލަފުޒުތަކެކެވެ. ވަލައުއަކީ ހަގީގަތުގައި "ޥަ"އާއި "ލައު" މި ދެ ލަފުޒު ގުޅިގެން އުފެދިފައިވާ ލަފުޒެކެވެ. މި ލަފުޒު ބޭނުންކުރަނީ އެހެންނަމަވެސް، އެކަމަކު ފަދަ މާނައެއްގައެވެ. ދިވެހިބަހަށް މި ލަފުޒު ގެނެސްފައެއް ނެތެވެ. މި ދެ ލަފުޒު ފިޔަވައި މި ލިސްޓުގައި ދެން ހުރި ހުރިހައި ލަފުޒެއް ވެސް ހަމަ އެއް މާނަތަކެއްގައި، ކިޔާ ގޮތުގެ ކުޑަ ތަފާތަކާ އެކު، ދިވެހިބަހަށް ވެސް ވަދެފައިވާކަން ތިޔަ ބޭފުޅުންނަށް އެނގިވަޑައިގަންނަވާނެއެވެ.

ޢަރަބި ލަފުޒު        މެލޭބަހާއި          އިންޑޮނޭޝިއާ ބަހަށް ގެނައި ގޮތް

މިއީ މެލޭބަހާއި އިންޑޮނޭޝިއާ ބަހަށް ޢަރަބިބަހުން ގެނެސްފައިވާ އެތައް ސަތޭކަ ލަފުޒަކުން މަދު މިންވަރެކެވެ. ދިވެހިރާއްޖެ ފަދައިން އިންޑޮނޭޝިއާއާއި މެލޭޝިއާއަކީ ވެސް އިސްލާމީ ދެ ގައުމުކަމުގައިވާތީ ސާންސްކިރިތު ބަސް ފިޔަވައި ދެން އެންމެ ގިނަ ލަފުޒު ގެނެސްފައިވަނީ ޢަރަބިބަހުންނެވެ. ދިވެހިބަހުގައި ވެސް މި ކަން ހުރީ ހަމަ މި މަގަށެވެ. ވީމާ، ދިވެހިބަހަށް އެހެންބަހަކުން ލަފުޒެއް ވަދެ ދިވެހި އަޑުތަކާ އެއް ގޮތަށް ބޭނުންކުރުމަކީ އަޅުގަނޑުމެން ހައިރާންވާންވީ ކަމެއް ނޫނެވެ. އާދޭހެވެ! އެކި ބަސްބަހުން ލަފުޒު ލޯނުކުރުމަކީ ކޮންމެ ބަހަކުން ވެސް ކުރާ އަދި ކުރާންޖެހޭ ކަމެކެވެ. (ނިމުނީ)